Dr Peter Handke (* 6. Dezämber 1942 z Griffen, Kärnte) isch e eeschtryychische Schriftsteller un Ibersetzer.
Är isch vylfach uuszaichnet woore un isch ain vu dr bekannteschte zytgnessische dytschsproochige Autore. No syre Kritik an Sprooch- un Bewusstsyyschablone het si dr Handke vor allem mit dr Entfrämdig zwische Subjäkt un Umwält bscheftigt. In dr spoote 1960er Johr isch er dur Friewäärch wie Publikumsbeschimpfung un Die Angst des Tormanns beim Elfmeter waidli bekannt woore.
In dr Jugoslawiechrieg vu dr 1990er Johr het er proserbischi Positione verdrätte im Geegesatz zue dr antiserbische Meehaitsmainig.
Ane 2019 isch em dr Nobelbryys fir Literatur zuegsproche woore.
© MMXXIII Rich X Search. We shall prevail. All rights reserved. Rich X Search